Smásagan No Great Magic eftir Leiber lýsir minnislausri stúlku sem starfar í leikhópi, býr reyndar í leikhúsinu og á sér engar minningar um að hafa verið utan þess.
Verið er að setja upp leikrit frá tímum Shakespears þegar hún áttar sig á því að undirbúningurinn er með öðrum hætti en hún á að venjast. Ekki bara það heldur hefur umhverfi leikhússins breyst.
Þótt sagan standi þokkalega undir sér þá er þetta önnur sagan í seríu sem Leiber reit um tímastríð þar sem hópar börðust um með því að flakka um tímann og breyta gangi sögunnar. Sennilega er betra að lesa fyrri söguna fyrst. Ætli ég reyni ekki að finna hana og lesa til að skilja tímastríðin betur. ( )